38.3 C
Sylhet Division
Tuesday, April 7, 2020
Home সিলোটি মাত বেখামা পুয়ার আজাইরা মাত

বেখামা পুয়ার আজাইরা মাত

বেখামা পুয়ার আজাইরা মাত


 সিলোটি মাতঃ যেগুর খাইয়া খাম নাই, বাড়িত আন্দু গুরায়, পড়া লেখা নাই কুন্তা খরে না, ফাউল ছক্কড় দেয় আর হারা দিন খালি অগুর লগে হগুর লগে মাইর খরে তারে সিলেটি ভাষায় বেখামা পুয়া কইন।

সিলেটি বেখামা পুয়া সারার থাকি দরকারি অইন।  যেগু বিদেশ গেছেগি তার খাম অইলো টেখা পাটানি। আর বাড়িত যেগু বেখামা তার খাম ঐলো টেখা ওগূন ব্যাংক থাকি তুলিয়া আনা। বাদে বাড়ির খরচ খরা। বাফ বাড়িত থাকলে তানর আত টেখা দেওয়া। আর না থাকলে তার মার আত দেওয়া।

 মায় জুদিন কুনখান ঋন খরইন অতা মারা। দিন বাদে রাইত মারে হিসাব দেওয়া। হিসাব বেরা চেরা লাগলে মাইর গাইল খাওয়া। এরে জাননি মাইয়াইন্তে কিতা খইন খইবা, বুজরায় নারে পুয়া বাফে কিলা বিদেশ তাকি টেখা পাটাইত্রা।

তুমি যেদিন রোজি করতায় বুজলায় অনে টেখার মায়া। বাফর হোটেল খাইতরায় থো কুন্তা বুজরায় না। হারা দিন বেখামা চক্কর মারও ঠিক করি আবও বাজার খরতায় পার না। আইজ তর বাফে ফন দেওক্কা দেখবে তর অবস্থা কিতা অয়।

আইচ্চা কও ছাই বেখামা পুয়া তার কিতা গুয়া পানর খরচ লাগে না নি। ইতা তো তুরা তুরি বেশ কম অইবো। অতার লাগি তারে বখা লাগে নি। হে তো এখদিন না এখদিন বেখামা থাকি খামর অইবো নানি। ইতা আমরার মাইয়ান্তে চিন্তা করইন না।

এর বাদে যদি কুন কুটুম বাড়ি জাইন, গেলে কেউ যদি জিকার করন তুমি কিতা কর বা । পুয়ায় উত্তর দেওয়ার আগে মায় কইন হে আর কিতা খরতো হারাদিন গুরায় আর খায়। আর কিতা খরতো। ইবায়দি কুটুম বাড়ির পুরিন্তে হুনইয়া আসা আসি করইন। তার বেটার কত ইজ্জত দরে। শরমে মুক দেখাইত পারে না। আর মনে মনে কয় বাড়ি যাইগি তোমারে লইয়া আর জীবনে কুন খান যাইতাম না।

এর বাদে বাড়ির সব খাম কাজ বেখামা পুয়ারেদি খরাইন আর কেউ কুন্তা জিকাইলে কইবা বেকার। ইতা হুনিয়া কিতা ফুয়ার মন খষ্ট লাগে নানি। মনে মনে কইবো বাড়ির হারা খাম আমি করি আর আমারে কইন বেকামা ।  

খালি কিতা বিদেশ গিয়া টেখা রুজি করলেউ শেষ নি। বাড়ি ইকান কে সামলাইতো। হেইন কিতা বিদেশ থাকি সামলাইবা নি? ইকান সামলানির লাগি একজন বেটা মানুষ লাগবো না নি। ইতা আমরার মাইয়ানতে বুজইন না। খালি তানর হগুর (বড় ফুয়ার জেগু লন্ডন থাকে অগু ) মাত মাতইন ।

অউ দেখছাই ফুয়া গুতা বড় অইছে তার তো দুই একটা ফেন্ট বন্দু থাকবা। ইতার লগেতো তুরাতুরি আড্ডা ইয়ারকি মারবো, কুন দিন বাড়ীত আইতে তুরা লেইট অইবো। অউ লেইট অইলো কেনে আব্বায় ফন দিছইন আম্মায় আব্বারে কইছইন তোমার ফুয়ায় হারা দিন হারা রাইত তার ফেন্ট হকলর লগে চক্কর দিছে। বাফে রাগ করি কইলা কাইল থাকি তর হুন্ডার লইয়া যাওয়া বন্ধ।  ফুয়া গুতায় কত কষ্ট পাইছে। এখদিন দেরি করি আওয়ায়।

আর যে পুয়া বিদেশ থাকি আইছে হে যদিন রাইত বাড়িত নাওউ আয় তার কূন হিসাব নাই। কিতা খরে নাখরে ইতার খেউ খিয়াল করইন না। কুন্তা উলটা পালটা করলে খইবা পুয়া গুতা আইছে খয়দিনকুর লাগি, অউ যাইবোগি, তার যেতা ভালা লাগে অতা খরুক ।

তউ সিলেটি ভাই হকলরে কইয়ার তোমরা যারা এখনো বাড়িত আছ, সকাল বিদেশ যাও। আর না ফারলে কুন খাম লাগ। বাফ ভাইর উপরে খয় দিন চলতায়। বিদেশ গিয়া দেখ বাফ ভাই হকলে কিলা রুজি করিয়া দেশ টেখা পাঠাইতরা। তউ বুজবায় টেখার মায়া। ফুটুং ফাটুং করি বাজারো গুরাইতায় নায় আর আড্ডাও দিতায় না। সময়রে খাম লাগাইবায়। আর মায় কিতার লাগি বখইন অতা বুজবায়।  

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

সর্বশেষ

বিশ্ব স্বাস্থ্য দিবসে স্বাস্থ্য ঝুঁকিতে রয়েছে পুরো বিশ্ব

যতই দিন যাচ্ছে সমস্যা সমাধানের পথ যতই বের হচ্ছে ততই বেড়ে চলেছে রোগব্যাধি। সেটা কী আমাদের জনসচেতনতার অভাব নাকি প্রকৃতির দান?  হয়তো আমরা অনেকেই...

এক মাসে ৯জনের মৃত্যু; আক্রান্তের সংখ্যা দ্বিগুন হারে বাড়ছে

এক মাসে ৯জনের মৃত্যু; আক্রান্তের সংখ্যা দ্বিগুন হারে বাড়ছে। বাংলাদেশে করোনা সংক্রমণের এক মাস হয়ে গেলো। এই একমাসে করোনা বা কভিড-১৯ ভাইরাসে আক্রান্ত হয়েছেন...

করোনা মহামারিতে স্কুল বন্ধ; ক্লাস হচ্ছে টিভিতে

করোনা মহামারিতে স্কুল বন্ধ; ক্লাস হচ্ছে টিভিতে। করোনাভাইরাসের কারণে দেশ লকডাউন, সাথে সকল শিক্ষাপ্রতিষ্ঠানও বন্ধ। এমন অবস্থায় ছাত্র-ছাত্রীদের কথা চিন্তা করে বাংলাদেশ সরকার সংসদ...

৩৪ বছর লোকচক্ষুর আড়ালে ছিলেন সুচিত্রা সেন

অভিনেতা-অভিনেত্রী মানেই সাধারণ লোকজনের কাছে জনপ্রিয় কোন এক ব্যক্তিত্ব; যার সবসময়ের আপডেট ছবি দর্শকের ঘরে ঘরে, মহল্লায় মহল্লায় টাংগানো থাকে। কিন্তু, বাংলা ও ভারতের...

কমেন্টস